FE (REVIEW MANUAL) & (PRACTICE PROBLEM)
لقسم مدني خصوصا
البوست ده مهم جدا وهيفرق مع المهندسين اللي اتخرجوا و كل اللي في كلية الهندسة .. اقرأه باهتمام
١- ايه هي المعادلة الامريكية دي ؟
هي مش معادلة بمعناها الحرفي .. هو ( مجرد امتحان ) اسمه
Fundamentals of Engineering (FE) exam
واللي بتعمله منظمة Ncees في امريكا ومعترف بيها علي مستوي العالم
اللي هيجتاز الامتحان ده هيصبح مهندس معتمد وكأنه متخرج من جامعة في امريكا وهيكون مهندس معترف بيه وبشهادته في كل دول العالم
ودي اول مرحلة قبل
P.E.
Principles and Practice of Engineering (PE) exam
واللي بتكون بيها
Professional Engineer
ودي رخصة مزاولة مهمة الهندسة و دي من اقوي المؤهلات علي مستوي العالم في الهندسة وبيتطلب الحصول عليها انك يكون عندك خبرة مش اقل من ٤ سنين بعد تخرجك
وال FE و ال PE مش شهادات جامعية يعني لايقارنوا بالدراسات العليا بمعني ان دي رخصة و الدراسات العليا شهادة جامعية
الفكرة ان بره بيهتموا بالعلم والعمل فلازم تكون مؤهل كويس جدا في العلم مع العمل (الخبرة)
ال FE متخرج وبدون خبرة
ال PE متخرج وخبرة علي الاقل ٤ سنين وامتحنت ال FE
٢- ليه امتحان ال FE
ده مهم ؟
لأنه بيخليك في مكانة بعيدة جدا عن مهندسين كتير علي مستوي مصر والعالم ...
وكمان في الشغل دول كتيرة جدا في اوروبا وامريكا بتطلب الشهادة دي علشان تقدر تشتغل هناك .. و كان فيه تقارير بتقول ان المعادلة دي هتطبق كمان في دول الخليج
ونقابة المهندسين خلال السنين الجاية هتعتمدها رسميا علشان تقدر تحصل علي كارنيه النقابة ...
وكمان النقابة اختارت ال ١٠ الاوائل الخريجين من كل جامعة سنة ٢٠١٥ علشان يدخلوا الامتحان مجانا بدون اي رسوم كمنحة لتشجيع باقي الخريجين انهم يعرفوا اهمية الامتحان ده...
ال FE و ال PE مطلوبين الزاميا داخل امريكا اما خارج امريكا ليست مطلوبة بالقانون انما بعض الشركات بدأت تطلبها عشان يضمنوا انهم جايبين ناس شاطرة
والامتحان والاعتراف بالشهادة متاح في امريكا وبعض الدول ( كندا - الامارات - اليابان - قطر - كوريا الشمالية - مصر - السعودية - تايوان - تركيا ) فقط
- كل الكلام ده بيبين قد ايه الشهادة دي مهمة لمستقبلك -
٣- ايه الاقسام المتاحة للأمتحان ؟ وبكام الامتحان ده ؟ ومواعيده ايه ؟
( مدني - ميكانيكا - كهرباء - كيمياء - كومبيوتر - ولو التخصص مش موجود بتختار other discipline اللي هو تخصص عام ) و بعد كده لما تمتحن ال PE في مجالات اكثر تخصصا داخل كل قسم
و تكلفة الامتحان 250$
الامتحانات بتكون فى 8 شهور فقط يناير - فبراير - ابريل - مايو - يونيو - اغسطس - اكتوبر - نوفمبر
٣- ازاي امتحن الامتحان ده ؟
في شهر مارس ٢٠١٦ نقابة المهندسين عملت اتفاقية مع منظمة Ncees ان اي حد مسجل في النقابة يقدر يمتحن الامتحان ده علي طول من غير معادلات ولا مواد تتدرس تاني و مجرد يدفع بس رسوم الامتحان وهو معاه الكارنيه يقدر يدخل الامتحان علي طول.
لكن ال PE لسة علي النظام القديم متاح فقط لخريين الجامعة الامريكية و الاكاديمية البحرية لكن النقابة شغالة فيه علشان تخليه زي ال FE
٤ - الامتحان عبارة عن ايه ؟
كل قسم في هندسة بيبقي فيه مجالات بتمتحن فيها
مثلا مدني حوالي ١٨ مجال لازم تكون عندك علم بيهم وهم يعتبر بعض المواد اللي درستها في الخمس سنين زي ( رياضة - تفاضل - تكامل - هيدروليكا - استراكتشر - طرق - مساحة - بيئية - ادارة ) وهكذا
و فايدة الشهادة دي انها بتخليك فاهم هندسة صح لانك بتراجع علي اهم حاجة في كل مجال انت درسته قبل كده وبتحتاجه في شغلك
والامتحان بيكون ٦ ساعات (١١٠ سؤال) و فيه ٢٥ دقيقة بريك
وده لينك عليه كل التفاصيل الخاصة بالامتحان
طب الامتحان ده علشان انجح فيه اعمل ايه ؟
مطلوب منك انك تذاكر و تذاكر صح بفهم مش بحفظ لان ده مش امتحان فاينال هتعدي منه بالساهل ده عاوز مجهود لانه مش سهل لكن مش مستحيل
طب اذاكر منين ؟
مناهج الهندسة علي مستوي العالم واحدة .. علشان بس محدش يقول اني هذاكر مناهج صعبة او مخدتهاش قبل كده .. كل الفرق هنا انك هتذاكر صح و بطريقة تخليك فاهم هندسة مش حافظها
والمذاكرة فيه ناس خلصوها في شهرين وناس في ٤ شهور وناس في ٦ شهور
يعني تقدر تذاكرها انت وشطارتك من ( ٢ الي ٦ شهور ) بالكتير اوي يعني.
وانا عن نفسي بفضل المذاكرة تكون من الكتابين دول:
كتاب بصيغة PDF شرح مفصل ومجاني، الكتاب ده اكتر من ٧٠٠ صفحة يحتوي على ال ١٨ مجال مجمعين:
وملحق بالكتاب ده كتاب تمرينات على كل باب بحيث تقدر تراجع وتحل على كل باب:
وفيه كورس كويس جدا عملته جامعة مارشال الامريكية لل FE
Marshall University 2015-2016 FE Exam Review (Civil Engineering):
وده لينك عليه كل حاجة لكل التخصصات يعتبر
انا برشح امتحان ال FE ده لكل طالب هيتخرج السنة دي و لسة ايده شغالة في المذاكرة انه يذاكرها قبل ما يشتغل لانها هتفرق معاه بعد كده
او اي حد لسة متخرج جديد و عاوز يتطور نفسه في وظيفته علشان يكون علي نفس مستوي المهندسين اللي علي مستوي العالم وافضل منهم كمان
او ياريت تنشروا المعلومات دي يمكن يكون حد عنده الشجاعة انه يدوس في الموضوع ده و يدخل الامتحان ويجتازه ان شاء الله
ولا تنسونا من صالح دعائكم
والله الموفق والمستعان
Comments
Post a Comment